我史提芬夫用iPhone 3G無限上網計劃，當然想用盡佢。雖然有方法可以把iPhone 3G變Modem，俾MacBook上網，除了設定麻煩和複雜外，還有因為使用SOCKS Proxy原理，令其有一定限制，好似玩唔到MSN就係一個好嚴重的問題。（我知MSN支援SOCKS，但把iPhone 3G變Modem後，雖然也是用SOCKS，但MSN總是無法連線）

由於暫時無辦法，令iPhone 3G變到好似USB手指Modem咁方便和無限制，故此史提芬夫決定用3reedom手指。3reedom手指有$980預付套裝，可以獨立咁買，係連鎖超市都有，唔一定要去搵3 shop咁煩。

講句公道說話，廢事又俾人話幫住3。3reedom好處係售價比其他7.2Mbps手指便宜，最緊要係無SIM鎖，你插乜野台的SIM卡都得。其他台的手指鎖定你用番佢個台，你唔可以插3個張SIM或其他台的落去用。今次目的係用盡iPhone 3G張卡，當然無理由又走去其他台再出一個新的3G數據上網計劃吧。



打開USB上網手指，面前端有個凹位，輕輕一推可以拿到張SIM卡套出黎，插張iPhone SIM落去就得。

搞掂把手指插入電腦，之後佢會彈個程式出黎，叫你裝。跟佢指示裝完就okay。佢有Windows和Mac版，大部人都用到。不過Mac版功能較少，Windows版顯示較多。

由於USB手指無iPhone 3G上網個設定，故此用之前要先禁Setting。再按New，根據以下圖片設定就ok。


完成後按Save再按Ok。係主畫面按Connect就得。睇下，上到網了。





速度方面，都算相當不錯，大概2.4Mbps左右。之於上載檔案、MSN、Streaming、FTP、YouTube甚至BT等都無限制，當正家用寬頻咁玩都得。史提芬夫玩了一天，間唔中會有斷線情況發生，可能3香港系統有點不穩定吧。

據稱用3reedom手指+ iPhone SIM卡上，最快可以突破4～5Mbps，史提芬夫未試過去到咁快，搵日試完再返黎報告。

而最擔心的係會否要另外收數據費，史提芬夫Check過，在客戶服務的數據用量仍然是0KB，即是正常。（選用無限計劃的是顯示0KB，若不是則有問題）

可能大家會問點解唔買最新個隻2Mbps upload試下。原因係因為個隻要再額外跟數據計劃。史提芬夫問過，獨立購買要$1980，好似唔多抵玩，$980的E169G好夠玩了。